Դոնի Ռոստովի պատմական ճեմարանը վերադարձվել է Հայ Առաքելական Եկեղեցուն
Հայ Առաքելական Եկեղեցու (ՀԱԵ) Ռուսաստանի և Նոր Նախիջևանի թեմը հայտնում է, որ Դոնի Ռոստովի քաղաքային իշխանությունները վերադարձրել են Հայկական ճեմարանի պատմական շենքը։ Այս կարևոր իրադարձությունը հնարավոր է դարձել գործարար և բարերար, «Ուժեղ Հայաստան» կուսակցության առաջնորդ Սամվել Կարապետյանի անգնահատելի աջակցության շնորհիվ։
«Ազգային բարերար Սամվել Կարապետյանը, ով միշտ մեծ կարևորություն է տվել Հայ Եկեղեցու կրթական առաքելությանը, այս գործում ներդրել է իր ազնիվ ջանքերը», – նշվում է թեմի հաղորդագրության մեջ։
Շենքի հետագա շահագործումն ու վերականգնումը կազմակերպելու նպատակով թեմի առաջնորդ Տ. Եզրաս արքեպիսկոպոս Ներսիսյանը մեկնել է Դոնի Ռոստով, որտեղ ունեցել է մի շարք հանդիպումներ։ Պարզվել է, որ քառահարկ շենքն օժտված է հիանալի ճարտարապետական լուծումներով, սակայն երկար տարիներ չօգտագործվելու պատճառով հայտնվել է անմխիթար և լքված վիճակում։
Թեմը հայտնել է իր պատրաստակամության մասին շենքը վերանորոգելու և կրթական կենտրոնի պատմական առաքելությունը վերականգնելու համար։
Հիշեցնենք, որ մինչև 20-րդ դարի սկիզբը հայաբնակ Նոր Նախիջևան թաղամասը եղել է թեմական կյանքի հոգևոր կենտրոնը։ Այս հզոր կենտրոնի հիմքը դրվել էր 1875 թվականին, երբ այստեղ հիմնադրվել էր տարածաշրջանի լավագույն աստվածաբանական դպրոցներից մեկը, որը 1881 թվականին Ալեքսանդր II կայսրի հրամանագրով վերակազմավորվել էր հոգևոր ճեմարանի։ Այս վերադարձը նշանակալի քայլ է դեպի հայկական մշակութային ժառանգության պահպանումը և զարգացումը։
Հայ Առաքելական Եկեղեցու (ՀԱԵ) Ռուսաստանի և Նոր Նախիջևանի թեմը հայտնում է, որ Դոնի Ռոստովի քաղաքային իշխանությունները վերադարձրել են Հայկական ճեմարանի պատմական շենքը։ Այս կարևոր իրադարձությունը հնարավոր է դարձել գործարար և բարերար, «Ուժեղ Հայաստան» կուսակցության առաջնորդ Սամվել Կարապետյանի անգնահատելի աջակցության շնորհիվ։ «Ազգային բարերար Սամվել Կարապետյանը, ով միշտ մեծ կարևորություն է տվել Հայ Եկեղեցու կրթական առաքելությանը, այս…