Երևանի քաղաքապետը՝ ընդդիմության գործողությունների մասին
Երևանի քաղաքապետ Տիգրան Ավինյանը լրագրողների հետ հանդիպման ընթացքում հստակ հայտարարել է, որ ընդդիմության կողմից իրականացված ընտրակաշառքի գործողությունները «կարմիր գիծ» են խախտել, և դրան կհետևեն ամենախիստ հետևանքները։
«Նրանք դեռ պատկերացում չունեն, թե ինչ է իրենց սպասվում։ Նրանց սպառնում է օրենքով նախատեսված ամենախիստ պատիժը», – նշել է Ավինյանը՝ ընդգծելով, որ ընդդիմության անդամները պետք է լավ պատրաստվեն։
Քաղաքապետը նաև նշել է, որ վերջին 8 տարիների ընթացքում ընտրություններն անցել են համեմատաբար ազատ, անկախ և ժողովրդավարական։ Նրա խոսքով՝ այս անցյալ ընտրություններում ընդդիմությունը առաջին անգամ է զբաղվել համատարած զանգվածային ընտրակաշառքների հանցավոր գործողություններով։
Ըստ Ավինյանի՝ ընդդիմությունը զբաղվել է այլ երկրներից քաղաքացիների տեղափոխմամբ՝ իրենց օգտին քվեարկության նպատակով, ինչպես նաև շանտաժի և քաղաքացիներին ահաբեկելու գործողություններով։
Նա նաև անդրադարձել է վերահաշվարկի արդյունքներին՝ նշելով, որ «Քաղաքացիական պայմանագիր» կուսակցությունը կորցրել է 1200-ից մի փոքր ավելի ձայն։ Սակայն, ինչպես նշել է Ավինյանը, «կարևորը դա չէ, կարևորն այն է, որ ընդդիմությունն անցել է ռուբիկոնը, որին հաջորդելու են ամենալուրջ գործողությունները և բոլորովին այլ քաղաքական մոտեցում՝ իշխող քաղաքական ուժի կողմից, որը կառուցում է նոր որակի և նոր մոդելի պետություն»։
Երևանի քաղաքապետ Տիգրան Ավինյանը լրագրողների հետ հանդիպման ընթացքում հստակ հայտարարել է, որ ընդդիմության կողմից իրականացված ընտրակաշառքի գործողությունները «կարմիր գիծ» են խախտել, և դրան կհետևեն ամենախիստ հետևանքները։ «Նրանք դեռ պատկերացում չունեն, թե ինչ է իրենց սպասվում։ Նրանց սպառնում է օրենքով նախատեսված ամենախիստ պատիժը», – նշել է Ավինյանը՝ ընդգծելով, որ ընդդիմության անդամները պետք է լավ պատրաստվեն։ Քաղաքապետը…