«Իմնեմնիմի» փոդքասթի հաղորդավար Նարեկ Սամսոնյանը ստանում է բժշկական օգնություն
ՀՀ առողջապահության նախարար Անահիտ Ավանեսյանը հայտնել է, որ «Իմնեմնիմի» փոդքասթի հաղորդավար Նարեկ Սամսոնյանը ստանում է անհրաժեշտ բժշկական օգնություն։ Այս մասին նախարարը հայտարարել է լրագրողների հետ կատարած զրույցի ընթացքում։
Ըստ նախարարի՝ Հայաստանում ազատազրկված յուրաքանչյուր անձ ստանում է ողջ ծավալով բուժօգնություն։ Եթե ազատազրկված անձը հրաժարվում է պետության կողմից տրամադրվող բժշկական ծառայություններից, ապա նա ունի իրավունք ստանալ դրանք իր ընտրած բժշկական կենտրոնում։
Անահիտ Ավանեսյանը հրաժարվել է տրամադրել լրացուցիչ տեղեկություններ Նարեկ Սամսոնյանի առողջական վիճակի մասին՝ հղում անելով բժշկական գաղտնիքին։ Նա նշել է, որ եթե անհրաժեշտ լինի, ինքն իր մոտ եղած տեղեկատվությունը կներկայացնի։
Հիշեցնենք, որ Նարեկ Սամսոնյանն ու Վազգեն Սաղաթելյանը ձերբակալվել են 2025 թվականի նոյեմբերի 13-ին՝ ԱԺ նախագահ Ալեն Սիմոնյանի հայտարարության հիման վրա, որը վերաբերում էր նրանց հասցեին հնչեցված, իբր, հայհոյանքներին։ Նրանց մեղադրում են խուլիգանության մեջ։ Այս իրադարձությունները տեղի են ունեցել այն բանից հետո, երբ Ալեն Սիմոնյանը Facebook-ի իր էջում հրապարակել էր գրառում, որում քննադատում էր «Իմնեմնիմի» փոդքասթի հաղորդավարներին, որոնք, իրենց հերթին, պատասխանել էին նրան։
Հունվարի 9-ին դատարանը երկարաձգել է «Իմնեմնիմի» փոդքասթի հաղորդավարների կալանքը ևս երեք ամսով։ Այս որոշումից հետո Նարեկ Սամսոնյանը հայտարարել էր անժամկետ հացադուլ՝ անարդար դատաքննության դեմ բողոքի նշան։ Հացադուլից մեկ շաբաթ անց նրա մոտ առողջական խնդիրներ են սկսվել, ինչի արդյունքում նա հունվարի 23-ին տեղափոխվել է «Իզմիրլյան» բժշկական կենտրոն, որտեղ նրանում վերականգնվում է և պատրաստվում է վիրահատության։
ՀՀ առողջապահության նախարար Անահիտ Ավանեսյանը հայտնել է, որ «Իմնեմնիմի» փոդքասթի հաղորդավար Նարեկ Սամսոնյանը ստանում է անհրաժեշտ բժշկական օգնություն։ Այս մասին նախարարը հայտարարել է լրագրողների հետ կատարած զրույցի ընթացքում։ Ըստ նախարարի՝ Հայաստանում ազատազրկված յուրաքանչյուր անձ ստանում է ողջ ծավալով բուժօգնություն։ Եթե ազատազրկված անձը հրաժարվում է պետության կողմից տրամադրվող բժշկական ծառայություններից, ապա նա ունի իրավունք ստանալ դրանք…