ՀՀ վարչապետը շնորհավորել է Արգենտինայի նախագահին երկրի Անկախության օրվա առթիվ
Հայաստանի վարչապետ Նիկոլ Փաշինյանը հղել է շնորհավորական ուղերձ Արգենտինայի նախագահ Խավիեր Միլեին՝ նշելով երկրի Անկախության օրը։
Իր ուղերձում վարչապետը նշել է, որ Հայաստանը բարձր է գնահատում Արգենտինայի հետ բազմամյա բարեկամական հարաբերությունները, որոնք հիմնված են փոխադարձ հարգանքի և վստահության սկզբունքների վրա։
«Ուրախությամբ նշում եմ մեր երկրների միջև ամուր համագործակցության շարունակական զարգացումը և ընդլայնումը, որի վկայությունն են ակտիվ փոխգործակցությունը և վերջին շրջանում տնտեսական, տեխնոլոգիական, կրթական և մշակութային ոլորտներում ձեռք բերված արդյունքները»,- ասված է ուղերձում։
Փաշինյանը վստահություն է հայտնել, որ Երևանն ու Բուենոս Այրեսը համատեղ ջանքերով կշարունակեն ամրապնդել և կատարելագործել երկկողմ համագործակցությունը՝ նպաստելով երկու ժողովուրդների բարօրությանը։
Հայաստանը և Արգենտինան դիվանագիտական հարաբերություններ են հաստատել 1992 թվականից։ Արգենտինան Լատինական Ամերիկայում ամենամեծ հայկական սփյուռք ունեցող երկրներից է, որտեղ ապրում է մոտ 120-130 հազար հայ։ Երկրների միջև զարգանում է համագործակցություն քաղաքական, տնտեսական, կրթական, տեխնոլոգիական և մշակութային ոլորտներում։
Հիշեցնենք, որ Արգենտինան Լատինական Ամերիկայի առաջին երկրն է, որը պաշտոնապես ճանաչել է Հայոց ցեղասպանությունը՝ ընդունելով համապատասխան օրենքը 2007 թվականին։ Երկրում ապրիլի 24-ը պաշտոնապես նշվում է որպես ժողովուրդների միջև հանդուրժողականության և փոխադարձ հարգանքի օր՝ ի հիշատակ Հայոց ցեղասպանության զոհերի։ Բուենոս Այրեսում և Արգենտինայի այլ քաղաքներում տեղադրված են Հայոց ցեղասպանության զոհերի հուշարձաններ։
Հայաստանի վարչապետ Նիկոլ Փաշինյանը հղել է շնորհավորական ուղերձ Արգենտինայի նախագահ Խավիեր Միլեին՝ նշելով երկրի Անկախության օրը։ Իր ուղերձում վարչապետը նշել է, որ Հայաստանը բարձր է գնահատում Արգենտինայի հետ բազմամյա բարեկամական հարաբերությունները, որոնք հիմնված են փոխադարձ հարգանքի և վստահության սկզբունքների վրա։ «Ուրախությամբ նշում եմ մեր երկրների միջև ամուր համագործակցության շարունակական զարգացումը և ընդլայնումը, որի վկայությունն են…