ՀՀ ԱԳՆ-ն քննարկել է ընտրությունների արդյունքները ԵԱՀԿ/ԺՀՄԻԳ-ի հետ
Հայաստանի արտաքին գործերի նախարարի տեղակալ Ռոբերտ Աբիսողոմոնյանը ընդունել է ԵԱՀԿ Ժողովրդավարական հաստատությունների և մարդու իրավունքների բյուրոյի (ԺՀՄԻԳ) տնօրեն Մարիա Թելալյանին։
Հանդիպման ընթացքում կողմերը քննարկել են Հայաստանի Հանրապետությունում տեղի ունեցած խորհրդարանական ընտրությունների արդյունքները և ԵԱՀԿ/ԺՀՄԻԳ դիտորդական առաքելության կատարած աշխատանքի գնահատականները։
Ըստ կողմերի համաձայնության՝ ընտրությունների ընթացքը բնութագրվել է որպես ազատ, արդար, թափանցիկ և ժողովրդավարական։
Ռոբերտ Աբիսողոմոնյանը երախտագիտություն է հայտնել ԵԱՀԿ/ԺՀՄԻԳ դիտորդական առաքելության անդամներին՝ նշելով, որ հայկական կողմը բոլոր հնարավոր պայմանները ստեղծել է առաքելության անխափան աշխատանքի համար։ Նա նաև հայտարարել է Հայաստանի պատրաստակամության մասին՝ հետագայում ևս ընդլայնելու կառուցողական համագործակցությունը ԺՀՄԻԳ-ի հետ՝ ուղղված Հայաստանի ընտրական համակարգի հետագա կատարելագործմանը։
Հիշեցնենք, որ ԵԱՀԿ/ԺՀՄԻԳ-ի հայտարարության մեջ նշվում էր, որ ընտրական քարոզարշավը Հայաստանում բնութագրվել է խիստ առճակատումային մթնոլորտով, որը ուղեկցվել է ատելության խոսքի հռետորաբանությամբ, ընտրակաշառքի և ընտրական օրենսդրության խախտումների մեղադրանքներով։ Այս իրավիճակը հանգեցրել է բազմաթիվ քրեական գործերի հարուցմանը ընդդիմության թեկնածուների և ակտիվիստների դեմ, ինչի արդյունքում ընդդիմության բազմաթիվ կողմնակիցներ ստիպված են եղել ձեռնպահ մնալ քարոզարշավին ակտիվ մասնակցելուց։ Կազմակերպությունը նաև անդրադարձել էր պետական ծառայողների նկատմամբ ճնշումների, նրանց կառավարող կուսակցության միջոցառումներին մասնակցելու պարտադրությանը, ինչպես նաև վերջերս ներդրված սոցիալական և տնտեսական միջոցառումներին, որոնք, ըստ կազմակերպության, մտահոգություններ են առաջացրել նախընտրական քարոզարշավին մասնակցելու հավասար հնարավորությունների վերաբերյալ։ Կազմակերպությունը նաև նշել էր Հայաստանի Հանրային հեռուստաընկերության կողմնակալ աշխատանքը։
Հայաստանի արտաքին գործերի նախարարի տեղակալ Ռոբերտ Աբիսողոմոնյանը ընդունել է ԵԱՀԿ Ժողովրդավարական հաստատությունների և մարդու իրավունքների բյուրոյի (ԺՀՄԻԳ) տնօրեն Մարիա Թելալյանին։ Հանդիպման ընթացքում կողմերը քննարկել են Հայաստանի Հանրապետությունում տեղի ունեցած խորհրդարանական ընտրությունների արդյունքները և ԵԱՀԿ/ԺՀՄԻԳ դիտորդական առաքելության կատարած աշխատանքի գնահատականները։ Ըստ կողմերի համաձայնության՝ ընտրությունների ընթացքը բնութագրվել է որպես ազատ, արդար, թափանցիկ և ժողովրդավարական։ Ռոբերտ Աբիսողոմոնյանը երախտագիտություն…