ՀՀ կրթական հաստատություններում արձանագրվել են քարոզչական արգելքի խախտման դեպքեր
ՀՀ կրթության, գիտության, մշակույթի և սպորտի նախարարությունը (ԿԳՄՍՆ) հայտնում է, որ ՀՀ ԱԺ ընտրություններին նախընթաց նախընտրական քարոզարշավի մեկնարկից սկսած՝ ստանում է բազմաթիվ ահազանգեր։ Այս ահազանգերը վերաբերում են դպրոցների մանկավարժների, աշխատակազմի և սովորողների կողմից աշխատանքային ժամերին և դասերի ընթացքում քաղաքական քարոզարշավին մասնակցությանը, ինչը խախտում է ուսումնական հաստատություններում քարոզչության արգելքը։
Այսպիսի դեպքերից մեկը գրանցվել է այսօր՝ մայիսի 13-ին, Ապարան քաղաքում։ Ըստ հաղորդագրության՝ Արագած և Քուչակ գյուղերի ուսումնական հաստատությունների մի շարք ուսուցիչներ և աշակերտներ աշխատանքային ժամերին մասնակցել են քաղաքական քարոզարշավի։
Նախարարությունը հստակորեն հայտարարում է, որ կնախաձեռնի առանձին քննություն՝ պարզելու դեպքի մանրամասները և կիրառելու օրենքով սահմանված հետևանքները համապատասխան լիազոր մարմնի հետ համատեղ։ Բոլոր ստացված ահազանգերը նույնպես ուղարկվում են իրավապահ մարմիններին՝ համապատասխան ընթացակարգով, քննություն իրականացնելու նպատակով։
ԿԳՄՍՆ-ը վերահաստատում է կրթական հաստատությունների ապաքաղաքականացված գործունեության կարևորությունը։ Նախարարությունը նշում է, որ ուսումնական հաստատությունները պետք է գործեն քաղաքական գործընթացներից ամբողջությամբ զերծ՝ ապահովելով կրթության անաչառ և չեզոք միջավայր։ Նմանատիպ դեպքերը գտնվում են խիստ վերահսկողության ներքո, և ցանկացած նմանատիպ դրսևորում ենթակա է լինելու պատշաճ արձագանքի և իրավական հետևանքների։
ՀՀ կրթության, գիտության, մշակույթի և սպորտի նախարարությունը (ԿԳՄՍՆ) հայտնում է, որ ՀՀ ԱԺ ընտրություններին նախընթաց նախընտրական քարոզարշավի մեկնարկից սկսած՝ ստանում է բազմաթիվ ահազանգեր։ Այս ահազանգերը վերաբերում են դպրոցների մանկավարժների, աշխատակազմի և սովորողների կողմից աշխատանքային ժամերին և դասերի ընթացքում քաղաքական քարոզարշավին մասնակցությանը, ինչը խախտում է ուսումնական հաստատություններում քարոզչության արգելքը։ Այսպիսի դեպքերից մեկը գրանցվել է այսօր՝ մայիսի…