Սևանա լճի ափամերձ տարածքներում շինությունների ապամոնտաժման աշխատանքները շարունակվում են
Գլխավոր դատախազության կողմից սկսված համակարգված աշխատանքների շրջանակում Սևանա լճի ափամերձ տարածքներում ապօրինի կառուցված շինությունների ապամոնտաժման գործընթացը շարունակվում է։
Այս շաբաթվա սկզբին, փետրվարի 2-ին, ապամոնտաժվել են ՀՀ ոստիկանության նախկին պետ Վլադիմիր Գասպարյանի կողմից ապօրինի կառուցված Սևանի առանձնատանը կից կառույցները։ Դատախազությունը, ապօրինի ծագում ունեցող գույքի բռնագանձման հայցով, պահանջում է Վլադիմիր Գասպարյանից և նրան փոխկապակցված անձանցից բռնագանձել այդ առանձնատունը։ Քանդվել են պարիսպը, բետոնե հենապատերը, թեքահարթակը և այլ շինություններ, որոնք գտնվում էին բացարձակ նիշից ցածր։
Այս աշխատանքները սկսվել են դեկտեմբերի 30-ին, երբ Գլխավոր դատախազությունը հայտարարել էր ապօրինի կառուցվածքների ապամոնտաժման համապարփակ ծրագրի մեկնարկի մասին։ Ընդհանուր առմամբ, 2025 թվականի դեկտեմբերից մինչ օրս, Դատախազության միջնորդագրերի կատարման արդյունքում, Սևանա լճի ափամերձ՝ բացարձակ նիշից ցածր 14 հողամասերում ապամոնտաժվել է տարբեր անձանց կողմից ապօրինի կառուցված շուրջ 40 շենք-շինություն։ Բացի այդ, «Սևան ազգային պարկ» ՊՈԱԿ-ի կողմից լուծվել է 2 պայմանագիր։
Այս միջոցառումները իրականացվում են Գլխավոր դատախազության պետական շահերի պաշտպանության վարչության և Գեղարքունիքի մարզի դատախազության համատեղ ջանքերով։ Դրանց շարքում են նաև այլ գործեր, որոնք վերաբերում են Ռուբեն Հայրապետյանի, Սեյրան Օհանյանի և «Կապավոր» ՍՊ ընկերության տնօրենների խորհրդի նախագահ Արման Հակոբջանյանի կողմից ապօրինի կառուցված Սևանի առանձնատներին։
Գլխավոր դատախազության կողմից կատարված ուսումնասիրությունների արդյունքում հանցագործության մասին հաղորդումներ են ուղարկվել նախաքննական մարմիններ, և մի շարք գործերով նախաձեռնվել են քրեական վարույթներ։
Գլխավոր դատախազության կողմից սկսված համակարգված աշխատանքների շրջանակում Սևանա լճի ափամերձ տարածքներում ապօրինի կառուցված շինությունների ապամոնտաժման գործընթացը շարունակվում է։ Այս շաբաթվա սկզբին, փետրվարի 2-ին, ապամոնտաժվել են ՀՀ ոստիկանության նախկին պետ Վլադիմիր Գասպարյանի կողմից ապօրինի կառուցված Սևանի առանձնատանը կից կառույցները։ Դատախազությունը, ապօրինի ծագում ունեցող գույքի բռնագանձման հայցով, պահանջում է Վլադիմիր Գասպարյանից և նրան փոխկապակցված անձանցից բռնագանձել այդ…