Հայաստան-Թուրքիա հարաբերությունների կարգավորման նոր փուլ
Հայաստանի հետ հարաբերությունների կարգավորման գործընթացում ձեռնարկվող վստահության ամրապնդման միջոցառումների շրջանակում, որը շարունակվում է 2022 թվականից, ավարտվել է մեր երկրի և Հայաստանի միջև ուղիղ առևտրի մեկնարկի բյուրոկրատական նախապատրաստությունը։ Այս մասին Թվիթերի (X) իր միկրոբլոգում հայտնել է Թուրքիայի արտաքին գործերի նախարարության պաշտոնական ներկայացուցիչ Օնջու Քեչելին։
Նրա խոսքով՝ ներդրված նոր կարգավորումների շնորհիվ հնարավոր է դարձել ապրանքների առաքումը Թուրքիայից երրորդ երկիր, որից հետո դրանք կարող են հասնել Հայաստան, կամ հակառակ ուղղությամբ՝ նույն երթուղով։ Այսպիսով, առևտրային փոխադրումները կատարվում են «Հայաստան/Թուրքիա» նշումով՝ որպես վերջնական նպատակակետ կամ մեկնում։
Ըստ Օնջու Քեչելուի՝ ընդհանուր սահմանի բացման համար անհրաժեշտ տեխնիկական և բյուրոկրատական աշխատանքները դեռևս շարունակվում են։
Նա նաև նշել է, որ Հարավային Կովկասում կայուն խաղաղության և բարգավաճման ամրապնդման համար ստեղծված պատմական հնարավորության լույսի ներքո Թուրքիան կշարունակի իր ներդրումն ունենալ տարածաշրջանում տնտեսական հարաբերությունների զարգացման և համագործակցության հետագա առաջխաղացման գործում՝ ի շահ տարածաշրջանի բոլոր երկրների և ժողովուրդների։
Հայ-թուրքական հարաբերությունների կարգավորման գործընթացի մեկնարկի մասին 2021 թվականի դեկտեմբերի 13-ին հայտնել էր Թուրքիայի արտգործնախարար Մևլութ Չավուշօղլուն՝ ընդգծելով, որ Անկարան գործելու է Ադրբեջանի հետ համակարգմամբ։ Կողմերը կարգավորման գործընթացում հատուկ ներկայացուցիչներ են նշանակել՝ Սերդար Քըլըչին և Ռուբեն Ռուբինյանին, որոնք արդեն բանակցությունների մի քանի փուլ են անցկացրել։ Թեև բացի ավիաբեռնափոխադրումներից և ուղեւորափոխադրումներից, այլ բեկումնային որոշումներ դեռ չեն կայացվել, այս նոր քայլը կարող է նշանակալիորեն խթանել երկու երկրների միջև առևտրային փոխկապակցությունները։
Հայաստանի հետ հարաբերությունների կարգավորման գործընթացում ձեռնարկվող վստահության ամրապնդման միջոցառումների շրջանակում, որը շարունակվում է 2022 թվականից, ավարտվել է մեր երկրի և Հայաստանի միջև ուղիղ առևտրի մեկնարկի բյուրոկրատական նախապատրաստությունը։ Այս մասին Թվիթերի (X) իր միկրոբլոգում հայտնել է Թուրքիայի արտաքին գործերի նախարարության պաշտոնական ներկայացուցիչ Օնջու Քեչելին։ Նրա խոսքով՝ ներդրված նոր կարգավորումների շնորհիվ հնարավոր է դարձել ապրանքների առաքումը Թուրքիայից…